പോക്സോ കേസിൽ പ്രതിക്ക് 75 വർഷം കഠിനതടവ്; 1.90 ലക്ഷം രൂപ പിഴ
വെള്ളറട: ആറുവയസ്സുകാരനെ ലൈംഗികാതിക്രമത്തിന് ഇരയാക്കിയ കേസിൽ യുവാവിന് 75 വർഷം കഠിനതടവും 1,90,000 രൂപ പിഴയും. ബാലരാമപുരം വില്ലേജിലെ അന്തിയൂർ സ്വദേശി അച്ചു (26)വിനെയാണ് നെയ്യാറ്റിൻകര അതിവേഗ പോക്സോ കോടതി ജഡ്ജി കെ. പ്രസന്ന ശിക്ഷിച്ചത്. പിഴത്തുക അടച്ചില്ലെങ്കിൽ 31 മാസം അധിക തടവ് അനുഭവിക്കണമെന്നും കോടതി ഉത്തരവിട്ടു. 2023-ലാണ് കേസിനാസ്പദമായ സംഭവം. മുയലിന് തീറ്റ നൽകാനെന്ന വ്യാജേന കുട്ടിയെ പ്രതിയുടെ വീട്ടിലെത്തിച്ചാണ് ലൈംഗികാതിക്രമം നടത്തിയതെന്ന് അന്വേഷണത്തിൽ കണ്ടെത്തി. പ്രതി നേരത്തെയും കുട്ടിയെ ഉപദ്രവിച്ചിരുന്നതായും അന്വേഷണത്തിൽ വ്യക്തമായി….