ബംഗളൂരു: പെൺസുഹൃത്തിനൊപ്പം കണ്ടതിന്റെ വൈരാഗ്യത്തിൽ മലയാളി യുവാവിനെ മർദിച്ചുകൊലപ്പെടുത്തിയതായി പരാതി. പാലക്കാട് സ്വദേശി കിരണാണ് കൊല്ലപ്പെട്ടത്. സംഭവത്തിൽ പെൺസുഹൃത്തിന്റെ പിതാവും യെലഹങ്ക സ്വദേശിയുമായ ആനന്ദിനെ പൊലീസ് അറസ്റ്റ് ചെയ്തു. കിരണിനെ മകളോടൊപ്പം കണ്ടതാണ് കൊലപാതകത്തിന് പ്രകോപനമായതെന്നാണ് പ്രാഥമിക വിവരം. സ്വീറ്റ് കോൺ മെഷീൻ കമ്പനി ഉടമയാണ് അറസ്റ്റിലായ ആനന്ദ്.
തിരുവനന്തപുരം: തലസ്ഥാനത്ത് ശക്തമായ മഴ തുടരുന്നതിനിടെ അരുവിക്കര ഡാമിന്റെ നാല് ഷട്ടറുകൾ കൂടി ഉയർത്താൻ തീരുമാനം. ഇന്ന് വൈകിട്ട് 3.30ന് 2, 3, 4, 5 നമ്പർ ഷട്ടറുകൾ 20 സെന്റിമീറ്റർ വീതം ഉയർത്തുമെന്ന് ജില്ലാ കളക്ടർ അറിയിച്ചു. ഡാമിന്റെ വൃഷ്ടിപ്രദേശത്ത് തുടർച്ചയായി മഴ പെയ്യുന്നതും നീരൊഴുക്ക് വർധിച്ച് ജലനിരപ്പ് ഉയരുന്നതുമാണ് നടപടി സ്വീകരിക്കാൻ കാരണം. ഡാമിന്റെ സമീപപ്രദേശങ്ങളിൽ താമസിക്കുന്നവരും നദിയുടെ ഇരുകരകളിലുമുള്ളവരും ജാഗ്രത പാലിക്കണമെന്ന് ജില്ലാ ഭരണകൂടം നിർദേശിച്ചു. അതേസമയം, സംസ്ഥാനത്ത് വരും ദിവസങ്ങളിലും ശക്തമായ…
തിരുവനന്തപുരം: വ്യവസായ വകുപ്പിലെ ഉന്നത ഉദ്യോഗസ്ഥരുടെ സ്ഥലംമാറ്റത്തിൽ വകുപ്പ് മന്ത്രി പി.കെ. കുഞ്ഞാലിക്കുട്ടിയെ അറിയിക്കാത്തതിൽ സർക്കാരിനെതിരെ കടുത്ത അതൃപ്തി. സെക്രട്ടറിയായിരുന്ന മുഹമ്മദ് ഹനീഷിന്റെ സ്ഥലംമാറ്റ ഉത്തരവ് പുറത്തുവന്നപ്പോഴാണ് മന്ത്രി വിവരം അറിഞ്ഞത്. ഇതോടെ ഉത്തരവിനെതിരെ നിലപാട് കടുപ്പിച്ച കുഞ്ഞാലിക്കുട്ടി, സർക്കാരിൽനിന്ന് ഔദ്യോഗിക അറിയിപ്പ് ലഭിക്കുന്നതുവരെ ചുമതല കൈമാറരുതെന്ന് മുഹമ്മദ് ഹനീഷിന് നിർദേശം നൽകി. വ്യവസായ വകുപ്പിന്റെ പുതിയ സെക്രട്ടറിയായി നിയമിക്കപ്പെട്ട ഡോ. ബീന ചുമതലയേൽക്കാനെത്തിയെങ്കിലും മുഹമ്മദ് ഹനീഷ് സ്ഥാനമൊഴിയാത്തതിനെ തുടർന്ന് ചുമതലയേൽക്കാനാകാതെ മടങ്ങി. ലീഗ് മന്ത്രിമാരുടെ വകുപ്പുകളിലുൾപ്പെടെ…
തിരുവനന്തപുരം: വർക്കലയിൽ വറ്റ മത്സ്യം കഴിച്ചതിനെത്തുടർന്ന് ഗുരുതരാവസ്ഥയിലായിരുന്ന യുവാവ് മരിച്ചു. വർക്കല സ്വദേശി സുധീർ (40) ആണ് തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ മരിച്ചത്. വെന്റിലേറ്ററിൽ പ്രവേശിപ്പിച്ചിരുന്ന സുധീർ കഴിഞ്ഞ മാസം 30നാണ് ആരോഗ്യനില വഷളായതിനെത്തുടർന്ന് ആശുപത്രിയിൽ പ്രവേശിപ്പിക്കപ്പെട്ടത്. വറ്റ മത്സ്യം കഴിച്ചതിനെത്തുടർന്ന് 27 പേർ വിവിധ ആശുപത്രികളിൽ ചികിത്സ തേടിയിരുന്നു. ഗുരുതരാവസ്ഥയിലുള്ള ചിലക്കൂർ സ്വദേശി ഹാഷിം (17) പാരിപ്പള്ളി മെഡിക്കൽ കോളേജ് ആശുപത്രിയിൽ ചികിത്സയിൽ തുടരുകയാണ്. വർക്കലയിലെ വെട്ടൂരിൽനിന്ന് വാങ്ങിയ മത്സ്യം കഴിച്ചവർക്കാണ് ആരോഗ്യപ്രശ്നങ്ങളുണ്ടായത്….
തിരുവനന്തപുരം: കൊച്ചി അന്താരാഷ്ട്ര വിമാനത്താവളത്തിലെ ആഭ്യന്തര, അന്താരാഷ്ട്ര ടെർമിനലുകളിൽ രണ്ട് ബാറുകൾ ആരംഭിക്കാൻ സർക്കാർ എഫ്‌എൽ–7 ലൈസൻസ് അനുവദിച്ചതോടെ വീണ്ടും ബാർ വിവാദം. ലൈസൻസ് അനുവദിച്ച വിവരം താൻ അറിഞ്ഞിരുന്നില്ലെന്ന വിശദീകരണവുമായി മന്ത്രി എം. ലിജു രംഗത്തെത്തി. എറണാകുളത്ത് മുഖ്യമന്ത്രിയുടെ മണ്ഡലത്തിലുൾപ്പെടെ പുതിയ ബാറുകൾക്ക് അനുമതി നൽകിയതുമായി ബന്ധപ്പെട്ട വിവാദം കെട്ടടങ്ങുംമുമ്പാണ് സർക്കാരിനെ വീണ്ടും പ്രതിരോധത്തിലാക്കിയ നടപടി. എക്‌സൈസ് കമ്മിഷണർ സീറാം സാംബശിവ റാവുവാണ് ലൈസൻസ് അനുവദിച്ചതെന്നും ഇതുസംബന്ധിച്ച് അദ്ദേഹത്തോട് വിശദീകരണം തേടിയിട്ടുണ്ടെന്നും മന്ത്രി വ്യക്തമാക്കി. നിലവിലെ…
തിരുവനന്തപുരം: വട്ടപ്പാറ വേറ്റിനാട് കനത്ത മഴയിൽ ഓട്ടോറിക്ഷ തോട്ടിലേക്ക് മറിഞ്ഞ് കാണാതായ ഡ്രൈവറുടെ മൃതദേഹം മൂന്നാം ദിവസം കണ്ടെത്തി. വട്ടപ്പാറ കുറ്റിയാണി സുമാഭവനിൽ വിദ്യാധരൻ (65) ആണ് മരിച്ചത്. അപകടസ്ഥലത്തുനിന്ന് 17 കിലോമീറ്റർ അകലെ ആറ്റിങ്ങൽ മാമം ഭാഗത്തുനിന്നാണ് മൃതദേഹം കണ്ടെത്തിയത്. ഞായറാഴ്ച രാത്രി എട്ടോടെ വട്ടപ്പാറ വേറ്റിനാട് വില്ലേജ് ഓഫീസിന് സമീപം മൂന്നുമുക്കിലായിരുന്നു അപകടം. ശക്തമായ മഴയെ തുടർന്ന് ചിറക്കോണം വേറ്റിനാട് വേളാവൂർ തോട് കരകവിഞ്ഞൊഴുകുകയും റോഡിൽ വെള്ളം കയറുകയും ചെയ്തിരുന്നു. വിവാഹസൽക്കാരത്തിൽ പങ്കെടുക്കാൻ ഭാര്യ…
തിരുവനന്തപുരം: വൈദ്യുതി വാങ്ങൽ കരാറിനെ ന്യായീകരിച്ച് മുഖ്യമന്ത്രി അവതരിപ്പിച്ച കണക്കുകൾക്കെതിരെ ഗുരുതര ആരോപണങ്ങൾ. ഹിമാചൽ പ്രദേശിൽനിന്നുള്ള വൈദ്യുതി ഒഴിവാക്കി ജനറൽ നെറ്റ്‌വർക് ആക്‌സസ് (ജിഎൻഎ) വഴി 500 മെഗാവാട്ട് വൈദ്യുതി വാങ്ങാനുള്ള തീരുമാനമാണ് വിവാദമായത്. കരാറിനെ എതിർത്ത എം.ജി. രാജമാണിക്യത്തെ ചെയർമാൻ സ്ഥാനത്തുനിന്ന് നീക്കിയ നടപടിയും മുഖ്യമന്ത്രി ന്യായീകരിച്ചു. ഹിമാചലിൽനിന്ന് യൂണിറ്റിന് 14.50 രൂപയ്ക്കും ജിഎൻഎ വഴി 8.63 രൂപ, 8.90 രൂപ നിരക്കുകളിലും വൈദ്യുതി ലഭിക്കുമെന്ന പ്രൊപ്പോസലുകളാണ് ലഭിച്ചതെന്ന് മുഖ്യമന്ത്രി വ്യക്തമാക്കി. ഹിമാചലിൽനിന്ന് വൈദ്യുതി വാങ്ങിയാൽ…
കൊല്ലം: കൊല്ലം–ചെങ്കോട്ട റെയിൽപാതയിൽ ട്രെയിനിടിച്ച് കടുവ ചത്തു. തമിഴ്‌നാട് അതിർത്തിയോട് ചേർന്ന ഭഗവതിപുരം റെയിൽവേ സ്റ്റേഷന് സമീപമാണ് പുലർച്ചെ രണ്ടോടെ അപകടമുണ്ടായത്. തൂത്തുക്കുടിയിൽനിന്ന് പാലക്കാട്ടേക്ക് പോവുകയായിരുന്ന പാലരുവി എക്സ്പ്രസാണ് കടുവയെ ഇടിച്ചത്. അപകടത്തെത്തുടർന്ന് ട്രെയിൻ യാത്ര താത്കാലികമായി നിർത്തിവച്ചു. ട്രെയിനിലെ ജീവനക്കാരാണ് സംഭവം തമിഴ്‌നാട് വനംവകുപ്പിനെ അറിയിച്ചത്. തുടർന്ന് സ്ഥലത്തെത്തിയ വനംവകുപ്പ് ഉദ്യോഗസ്ഥർ കടുവയുടെ ജഡം നീക്കം ചെയ്തു. ഇതിനു ശേഷമാണ് ട്രെയിൻ യാത്ര പുനരാരംഭിച്ചത്. അപകടത്തെത്തുടർന്ന് അരമണിക്കൂറോളം റെയിൽ ഗതാഗതം തടസപ്പെട്ടു.
ഹൈദരാബാദ്: യൂട്യൂബ് വീഡിയോകൾ കണ്ട് കള്ളനോട്ട് അച്ചടിച്ച് തട്ടിപ്പ് നടത്തിയ വൻസംഘം ഹൈദരാബാദിൽ പിടിയിൽ. 6.78 കോടി രൂപയുടെ കള്ളനോട്ടുകളുമായി നാലുപേരെ പൊലീസ് അറസ്റ്റ് ചെയ്തു. 500 രൂപയുടെ നോട്ടുകളാണ് പിടിച്ചെടുത്തത്. സംഘത്തിലെ മൂന്നുപേർ ഒളിവിലാണ്. നവംബർ ഒന്നിന് ലഭിച്ച രഹസ്യവിവരത്തെത്തുടർന്ന് അബ്ദുള്ളാപൂർമെറ്റ് പൊലീസ് നടത്തിയ വാഹനപരിശോധനയിലാണ് സംഘത്തെ കുടുക്കിയത്. രാമോജി ഫിലിം സിറ്റിക്ക് സമീപം കാർ തടഞ്ഞ് പരിശോധിച്ചപ്പോൾ എട്ടുലക്ഷം രൂപയുടെ കള്ളനോട്ടുകൾ കണ്ടെത്തി. വ്യാജ പൊലീസ് തിരിച്ചറിയൽ കാർഡുകൾ, കളിത്തോക്ക്, വാക്കിടോക്കികൾ, നാല് മൊബൈൽ…
കുവൈത്ത് സിറ്റി: കുവൈത്തിൽ മലയാളി വനിതാ നഴ്‌സുമാർ സഞ്ചരിച്ച ബസ് അപകടത്തിൽപ്പെട്ട് 11 പേർക്ക് പരിക്കേറ്റു. അപകടത്തിൽ ഒരു നഴ്‌സിന് കൈ നഷ്ടമായി. ഫർവാനിയ ആശുപത്രിയിൽ ജോലി ചെയ്യുന്ന നഴ്‌സുമാരാണ് അപകടത്തിൽപ്പെട്ടത്. അബ്ബാസിയയിൽനിന്ന് ഫർവാനിയ ആശുപത്രിയിലേക്ക് ജോലിക്കായി പോകുന്നതിനിടെയാണ് അപകടമുണ്ടായത്. നൈസിൽ സുനിൽ എന്ന നഴ്‌സിനാണ് ഒരു കൈ നഷ്ടപ്പെട്ടത്. മറ്റ് പത്ത് പേർക്ക് നിസാര പരിക്കുകളാണെന്നാണ് പ്രാഥമിക വിവരം. ഗ്ലാസിയർ ട്രാൻസ്‌പോർട്ടേഷൻ കമ്പനിയുടെ ബസാണ് അപകടത്തിൽപ്പെട്ടത്. അപകടത്തിന് പിന്നാലെ ഡ്രൈവർ സംഭവസ്ഥലത്തുനിന്ന് രക്ഷപ്പെട്ടതായും റിപ്പോർട്ടുകളുണ്ട്. പരിക്കേറ്റവരെ…
