കുവൈത്തിൽ മലയാളി നഴ്‌സുമാർ സഞ്ചരിച്ച ബസ് അപകടത്തിൽപ്പെട്ടു; 11 പേർക്ക് പരിക്ക്, നഴ്‌സിന്റെ കൈ നഷ്ടമായി
കുവൈത്ത് സിറ്റി: കുവൈത്തിൽ മലയാളി വനിതാ നഴ്‌സുമാർ സഞ്ചരിച്ച ബസ് അപകടത്തിൽപ്പെട്ട് 11 പേർക്ക് പരിക്കേറ്റു. അപകടത്തിൽ ഒരു നഴ്‌സിന് കൈ നഷ്ടമായി. ഫർവാനിയ ആശുപത്രിയിൽ ജോലി ചെയ്യുന്ന നഴ്‌സുമാരാണ് അപകടത്തിൽപ്പെട്ടത്. അബ്ബാസിയയിൽനിന്ന് ഫർവാനിയ ആശുപത്രിയിലേക്ക് ജോലിക്കായി പോകുന്നതിനിടെയാണ് അപകടമുണ്ടായത്. നൈസിൽ സുനിൽ എന്ന നഴ്‌സിനാണ് ഒരു കൈ നഷ്ടപ്പെട്ടത്. മറ്റ് പത്ത് പേർക്ക് നിസാര പരിക്കുകളാണെന്നാണ് പ്രാഥമിക വിവരം. ഗ്ലാസിയർ ട്രാൻസ്‌പോർട്ടേഷൻ കമ്പനിയുടെ ബസാണ് അപകടത്തിൽപ്പെട്ടത്. അപകടത്തിന് പിന്നാലെ ഡ്രൈവർ സംഭവസ്ഥലത്തുനിന്ന് രക്ഷപ്പെട്ടതായും റിപ്പോർട്ടുകളുണ്ട്. പരിക്കേറ്റവരെ…