Crime

തിരുവനന്തപുരം: നഗരത്തിലെ നന്ദാവനത്ത് പണി പൂർത്തിയാകാതെ കിടന്നിരുന്ന കെട്ടിടത്തിനുള്ളിൽ നിന്ന് മനുഷ്യന്റെ അസ്ഥികൂടം കണ്ടെത്തി. ശ്രീനേത്ര ആശുപത്രിക്ക് സമീപത്തെ വീട്ടിലാണ് തലയോട്ടിയും അസ്ഥിക്കഷണങ്ങളും കണ്ടെത്തിയത്. കോടതിയിൽ നടപടികൾ നിലനിൽക്കുന്നതിനാൽ ഏറെക്കാലമായി നിർമാണം മുടങ്ങിക്കിടന്ന കെട്ടിടമാണിത്. ഇന്ന് സ്ഥലം വൃത്തിയാക്കാനെത്തിയ നിർമാണത്തൊഴിലാളികളാണ് കെട്ടിടത്തിനുള്ളിൽ അസ്ഥികൂടത്തിന്റെ ഭാഗങ്ങൾ കണ്ടെത്തിയത്. കെട്ടിടത്തിനുള്ളിൽ വെള്ളം കെട്ടിക്കിടന്നിരുന്ന ഭാഗത്താണ് തലയോട്ടിയും അസ്ഥിക്കഷണങ്ങളും ഉണ്ടായിരുന്നത്. കെട്ടിടവും പരിസരവും കാടുപിടിച്ച നിലയിലായിരുന്നു. കണ്ടെത്തിയ അസ്ഥികൂടം ആരുടേതാണെന്ന് ഇതുവരെ വ്യക്തമായിട്ടില്ല. വിവരമറിഞ്ഞ് സ്ഥലത്തെത്തിയ പൊലീസ് അന്വേഷണം ആരംഭിച്ചു. ഫോറൻസിക്…