വോട്ടുവെട്ടലിനെതിരെ രാജ്യത്തിന്റെ പ്രതിഷേധം; ഡൽഹി സമരം ആളിപ്പടരുന്നു
ന്യൂഡൽഹി: ജനാധിപത്യ സംരക്ഷണത്തിനും വോട്ടുവെട്ടലിനുമെതിരായ ഡൽഹിയിലെ പ്രക്ഷോഭം രാജ്യവ്യാപക പ്രതിഷേധമായി ശക്തിപ്രാപിക്കുന്നു. കേന്ദ്ര സർക്കാരിന്റെ ഒത്താശയോടെ വോട്ടവകാശം അട്ടിമറിക്കുന്നുവെന്ന ആരോപണമുയർത്തി ആരംഭിച്ച സമരത്തിന് വിവിധ സംസ്ഥാനങ്ങളിൽനിന്ന് പിന്തുണയേറുകയാണ്. പ്രക്ഷോഭകരെ അടിച്ചമർത്താനുള്ള ഭരണകൂടത്തിന്റെ നടപടികൾ പ്രതിഷേധത്തിന്റെ വീര്യം വർധിപ്പിച്ചതായും സമരത്തിന് ഐക്യദാർഢ്യം പ്രഖ്യാപിച്ച് കൂടുതൽ പേർ രംഗത്തെത്തുന്നതായും റിപ്പോർട്ടുകൾ വ്യക്തമാക്കുന്നു. കേരളം, തമിഴ്‌നാട്, കർണാടകം, പശ്ചിമബംഗാൾ തുടങ്ങിയ സംസ്ഥാനങ്ങളിൽ ഇടതുപക്ഷ സംഘടനകളുടെ നേതൃത്വത്തിൽ പ്രതിഷേധം ശക്തമാണ്. ഹരിയാന, പഞ്ചാബ്, ഉത്തർപ്രദേശ്, രാജസ്ഥാൻ, ബിഹാർ, ഒഡിഷ, ഗുജറാത്ത്, ത്രിപുര, മധ്യപ്രദേശ്…