ആലപ്പുഴ: മദ്യപാനത്തിനിടെയുണ്ടായ തർക്കത്തെ തുടർന്ന് ആലപ്പുഴയിൽ യുവാവിനെ സുഹൃത്ത് കുത്തിക്കൊന്നു. ചുങ്കം സ്വദേശി ആന്റണി വർഗീസ് (യുവാവ്) ആണ് കൊല്ലപ്പെട്ടത്. ആലപ്പുഴ സ്വദേശി അഫ്സലാണ് കേസിലെ പ്രതി. ഇരുവരും സുഹൃത്തുക്കളായിരുന്നു.
വെള്ളിയാഴ്ച വൈകുന്നേരം ഇരുവരും ഒരുമിച്ചിരുന്ന് മദ്യപിച്ചിരുന്നതായാണ് പ്രാഥമിക വിവരം. ഇതിനിടെ വാക്കുതർക്കമുണ്ടാകുകയും ആന്റണി കല്ലെടുത്ത് അഫ്സലിന്റെ ദേഹത്തേക്ക് എറിയുകയും ചെയ്തു. ഇതിൽ പ്രകോപിതനായ അഫ്സൽ കൈവശമുണ്ടായിരുന്ന ചെറിയ കത്തി ഉപയോഗിച്ച് ആന്റണിയുടെ വയറ്റിൽ കുത്തുകയായിരുന്നു.
ഗുരുതരമായി പരിക്കേറ്റ ആന്റണി പിന്നീട് മരിച്ചതായാണ് വിവരം. ശനിയാഴ്ച രാവിലെയാണ് മൃതദേഹം കണ്ടെത്തിയത്. സംഭവത്തിൽ പൊലീസ് അന്വേഷണം ആരംഭിച്ചു.