മണിപ്പൂരിൽ വീണ്ടും സായുധ ആക്രമണം; രണ്ട് സ്ത്രീകൾ ഉൾപ്പെടെ നാല് പേർ കൊല്ലപ്പെട്ടു
ഇംഫാൽ: മണിപ്പൂരിൽ വീണ്ടും സായുധ സംഘങ്ങളുടെ നടുക്കുന്ന അക്രമണങ്ങൾ. തമങ്ലോങ്, നോണി ജില്ലകളിലുണ്ടായ രണ്ട് വ്യത്യസ്ത സംഭവങ്ങളിലായി രണ്ട് സ്ത്രീകൾ ഉൾപ്പെടെ നാല് പേർ കൊല്ലപ്പെട്ടു. കൊല്ലപ്പെട്ടവരെല്ലാം കുക്കി വിഭാഗത്തിൽപ്പെട്ടവരാണ്. തമങ്ലോങ് ജില്ലയിലെ കെയ്മായി പോലീസ് സ്റ്റേഷൻ പരിധിയിലുള്ള ടോലെൻ കുക്കി ഗ്രാമത്തിലാണ് ആദ്യ ആക്രമണം നടന്നത്. ഞായറാഴ്ച പുലർച്ചെ നാല് മണിയോടെ ഗ്രാമവാസികളുടെ വീടിന് നേരെ അജ്ഞാതർ വെടിവെപ്പ് നടത്തുകയായിരുന്നു. ആക്രമണത്തിൽ ലിങ്ജംഗൈ സിങ്സിത് എന്ന സ്ത്രീ സംഭവസ്ഥലത്ത് വെച്ച് തന്നെ കൊല്ലപ്പെട്ടു. ഗുരുതരമായി പരിക്കേറ്റ…