കെഎപി ക്യാമ്പിൽ അച്ചടക്കലംഘനം; എസ്‌ഐ ഉൾപ്പെടെ എട്ട് പൊലീസുകാർക്കെതിരെ നടപടി
കണ്ണൂർ: കെഎപി നാലാം ബറ്റാലിയൻ ക്യാമ്പിലെ ക്വാർട്ടേഴ്‌സിൽ പിറന്നാൾ ആഘോഷത്തിനിടെ മദ്യവിരുന്നും കൈയാങ്കളിയും. സംഭവത്തിൽ എസ്‌ഐ, എഎസ്‌ഐ ഉൾപ്പെടെ എട്ട് പൊലീസുകാർക്ക് കാരണം കാണിക്കൽ നോട്ടീസ് നൽകി. ക്യാമ്പിലെ ഹവിൽദാർ പി.പി. അനുഗ്രഹിന്റെ മകന്റെ പിറന്നാൾ ആഘോഷത്തിനിടെയാണ് അച്ചടക്കലംഘനവും സംഘർഷവുമുണ്ടായത്. മാങ്ങാട്ടുപറമ്പ് പൊലീസ് ക്യാമ്പിലെ ക്വാർട്ടേഴ്‌സിൽ അഞ്ചാം തീയതി രാത്രിയായിരുന്നു ആഘോഷം. വലിയ തോതിൽ മദ്യം എത്തിച്ച് നടത്തിയ സൽക്കാരം അതിരുവിട്ടതോടെ പങ്കെടുത്തവർ തമ്മിൽ വാക്കേറ്റമുണ്ടാകുകയും പിന്നീട് കൈയാങ്കളിയിലേക്ക് നീങ്ങുകയുമായിരുന്നു. സംഘർഷം ശ്രദ്ധയിൽപ്പെട്ട സമീപ ക്വാർട്ടേഴ്‌സുകളിലെ താമസക്കാർ…