തിരുവനന്തപുരം: കേരളത്തെ നടുക്കിയ കരമന കൂടത്തിൽ കൊലപാതകക്കേസിൽ പ്രതി രവീന്ദ്രൻ നായർക്കെതിരെ കൂടുതൽ നിർണായക തെളിവുകൾ. കൊല്ലപ്പെട്ട ജയമാധവൻ നായരുടെ പോസ്റ്റ്മോർട്ടം നടത്തിയ ഡോക്ടറുടെ മൊഴി അന്വേഷണസംഘം വീണ്ടും രേഖപ്പെടുത്തി. പോസ്റ്റ്മോർട്ടം ഒഴിവാക്കണമെന്ന് രവീന്ദ്രൻ നായർ ആവശ്യപ്പെട്ടിരുന്നതായി ഡോക്ടർ മൊഴി നൽകിയതായാണ് വിവരം. ഫോറൻസിക് വിദഗ്ധരുടെ മൊഴിയും അന്വേഷണസംഘം രേഖപ്പെടുത്തിയിട്ടുണ്ട്.
15 വർഷത്തിനിടെ കുടുംബത്തിലെ ഏഴുപേരാണ് മരിച്ചത്. ഇതിൽ ആറുപേരുടെയും മരണത്തിൽ ദുരൂഹത നിലനിന്നിരുന്നെങ്കിലും 2017ൽ കുടുംബത്തിലെ അവസാന കണ്ണിയായ ജയമാധവൻ നായരുടെ മരണത്തോടെയാണ് കേസിലെ സംശയങ്ങൾ ശക്തമായത്. തുടർന്നുള്ള അന്വേഷണത്തിലാണ് കുടുംബത്തിന്റെ കാര്യസ്ഥനായിരുന്ന രവീന്ദ്രൻ നായർക്കെതിരായ കൊലപാതക ആരോപണങ്ങൾ പുറത്തുവന്നത്. ബ്രെയിൻ മാപ്പിങ് പരിശോധനയിലൂടെയാണ് കേസിൽ പ്രതിയുടെ പങ്ക് കണ്ടെത്തിയതെന്നാണ് അന്വേഷണവിവരം.
2017ൽ വീട്ടിലെ കട്ടിലിൽനിന്ന് വീണ് തലയ്ക്ക് പരിക്കേറ്റ നിലയിലാണ് ജയമാധവനെ കണ്ടെത്തിയത്. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കട്ടിലിൽനിന്ന് വീണ് തലയ്ക്ക് പരിക്കേറ്റതിനെത്തുടർന്നാണ് മരണമെന്നായിരുന്നു കാര്യസ്ഥൻ നൽകിയ വിശദീകരണം. എന്നാൽ മരണത്തിൽ സംശയം ഉയർന്നതോടെ നടത്തിയ അന്വേഷണമാണ് കുടുംബത്തിലെ തുടർച്ചയായ മരണങ്ങളുടെ പിന്നിലെ