കണ്ണൂർ: ജില്ലയിൽ ഉപതെരഞ്ഞെടുപ്പ് നടന്ന രണ്ട് തദ്ദേശ വാർഡുകളിലും എൽഡിഎഫിന് വിജയം. പെരളശേരി പഞ്ചായത്തിലെ ആറാം വാർഡായ ബാവോട് ഈസ്റ്റിൽ യുഡിഎഫിൽ നിന്ന് സീറ്റ് തിരിച്ചുപിടിച്ച എൽഡിഎഫ്, മട്ടന്നൂർ നഗരസഭയിലെ ഉരുവച്ചാൽ ഡിവിഷൻ നിലനിർത്തുകയും ചെയ്തു.
ബാവോട് ഈസ്റ്റിൽ 65 വോട്ടിന്റെ വിജയംകഴിഞ്ഞ തവണ യുഡിഎഫ് വിജയിച്ച ബാവോട് ഈസ്റ്റ് വാർഡിലാണ് എൽഡിഎഫ് ഇത്തവണ നിർണായക വിജയം നേടിയത്. എൽഡിഎഫ് സ്ഥാനാർഥി കെ.വി. രതീശൻ 65 വോട്ടിന്റെ ഭൂരിപക്ഷത്തിലാണ് വിജയിച്ചത്. കഴിഞ്ഞ തെരഞ്ഞെടുപ്പിൽ 13 വോട്ടിന്റെ ഭൂരിപക്ഷത്തിനായിരുന്നു യുഡിഎഫ് ഇവിടെ വിജയിച്ചിരുന്നത്.
പഞ്ചായത്തംഗമായിരുന്ന സുരേഷ്ബാബു തണ്ടാരത്തിന്റെ നിര്യാണത്തെ തുടർന്നാണ് ബാവോട് ഈസ്റ്റിൽ ഉപതെരഞ്ഞെടുപ്പ് നടന്നത്.
ഉരുവച്ചാൽ ഡിവിഷൻ എൽഡിഎഫ് നിലനിർത്തിമട്ടന്നൂർ നഗരസഭയിലെ ഉരുവച്ചാൽ ഡിവിഷനിലും എൽഡിഎഫ് വിജയം ആവർത്തിച്ചു. എൽഡിഎഫ് സ്ഥാനാർഥി എ.കെ. സുരേഷ്കുമാർ വിജയിച്ചു. കൗൺസിലറായിരുന്ന എൽഡിഎഫിലെ കെ.കെ. അഭിമന്യുവിന്റെ നിര്യാണത്തെ തുടർന്നാണ് ഇവിടെ ഉപതെരഞ്ഞെടുപ്പ് വേണ്ടിവന്നത്.
രണ്ട് വാർഡുകളിലെയും വിജയം ജില്ലയിൽ എൽഡിഎഫിന് ശ്രദ്ധേയമായ നേട്ടമായി.